மாடஸ்டி ப்ளெய்ஸ் (Modesty Blaise)

 



சூப்பர் ஹீரோக்களும் சூப்பர் ஹீரோயின்களும் நிறைந்திருக்கும் இன்றைய காமிக்ஸ் புத்தக உலகில் மாடஸ்டி பிளெய்சின் தாக்கத்தை உணருவது கொஞ்சம் சிரமமானது தான். ஆனால் 1980களில் அன்றைய காமிக்ஸ் உலகில் வலம் வந்த 'முகமூடி மாயாவி', 'மந்திரவாதி மாண்ட்ரேக்', 'இரும்புக்கை மாயாவி' ஆகிய ஹீரோக்களுக்கு நடுவே, எந்த வித மந்திரமும் மாயாஜாலமும் இல்லாமல், தன் புத்தி கூர்மையும், தற்காப்புக் கலையும், வயதிற்கு மீறிய கிரிமினல் அனுபவமும், ஏராளமான சொத்தும், எந்தக் காலத்திலும் எதற்காகவும் விட்டுக் கொடுக்கப்படாதக் கொள்கைகளும், ஆயிரம் முறை கூட நம்பி தன் உயிரை ஒப்படைக்கும் நம்பிக்கையுள்ள பார்ட்னரும் கொண்ட இளம் பெண் மாடஸ்டி ப்ளெய்சின் (Modesty Blaise) வருகை ஏற்படுத்தியத் தாக்கத்தின் அளவு - மாடஸ்டியின் சாகசங்களை தமிழ் காமிக்ஸுகளில் வாசித்து வளர்ந்த தமிழர் ஒருவர் பிற்காலத்தில் தன் மகளுக்கு 'மாடஸ்டி'  என்று பெயர் சூட்டும் அளவு.

மாடஸ்டியின் பிறப்பு:

மாடஸ்டிக்கு இரண்டு பிறப்புகள் உண்டு. ஒன்று - 'மாடஸ்டி' என்ற கதாபாத்திரத்தின் பிறப்பு. மற்றொன்று - 'மாடஸ்டி' என்ற காமிக் ஸ்ட்ரிப்பின் (comic strip) பிறப்பு.


1962ல் பிரிட்டனின் நாளிதழான Daily Express-ன் Strip Cartoon Editor ஆன Bill Aitken-னிடமிருந்து மாடஸ்டியை உருவாக்கிய Peter O’Donnell-க்கு ஒரு அழைப்பு வந்தது அவர் விரும்பும் வண்ணம் ஒரு காமிக் ஸ்ட்ரிப் உருவாக்கித் தரும்படி. Peter O’Donnell, Jim Holdaway (1972ல் Jim Holdaway-ன் மறைவுக்குப் பின் Enric Badia Romero-விடம் வரையும் பொறுப்பு சேர்ந்தது) என்ற ஓவியரிடம் அந்தக் காமிக் ஸ்ட்ரிப்பை வரைந்து தரும்படிக் கேட்க, அவரும் சம்மதிக்க, மாடஸ்டி ப்ளெய்சையும் அவருடைய பார்ட்னர்/நண்பர் வில்லி கார்வினையும் (Willie Garvin), காதல் கத்தரிக்காய் குடும்பம் புடலங்காய் என்று இவர்கள் இருவரிடையே  எதுவும் இல்லாமல், "இளவரசி (வில்லி கார்வின் மாடஸ்டியை வேறு எப்படியும் அழைப்பதில்லை) என் தலையைக் கேட்டால் அதை ஒரு தட்டில் வைத்து அவளிடம் நீட்டு", என்று வில்லி கார்வின் தன் மேனேஜரிடம் சொல்லும் படியான ஒரு 'rare relationship'-ப்பாய் உருவாக்கினார்
Peter O’Donnell.

ஆனால் Daily Express-ன் சேர்மன் 'கிரிமினல் உலகிலிருந்து ஒரு பெண்' தன் நாளிதழின் வாசகர்களுக்கு சரிவராது என்று மாடஸ்டியை புறந்தள்ள, அதை இன்னொரு லண்டன் பத்திரிக்கையான London Evening Standard அலேக்காக அள்ளிக்கொண்டது.

13/05/1963 திங்கட்கிழமையிலிருந்து 11/04/2001 வரை, ஒவ்வொரு கதையும் 18-20 வாரங்கள், என தொடர்ச்சியாக வெளிவந்தது.

மாடஸ்டிக்கு இன்ஸ்பிரேஷன்:

பிரிட்டன் இராணுவத்தில் Peter O’Donnell இராணுவ வீரராக இருந்த போது பிரான்சு, ஈரான், ஈராக், சிரியா, லெபனான், எகிப்து, இத்தாலி, கிரேக்கம் ஆகிய நாடுகளில் பணிபுரிந்தார்.

1942-ல் வட ஈரானில் அவருடைய ரெஜிமெண்ட் இருந்த போது ஏழு அல்லது எட்டு வயது சிறுமி ஒருத்தியை கிழிந்த உடைகளுடன் வீரர்களின் கூடாரங்களை விட்டு சற்றுத் தொலைவில் பார்த்ததாகவும், சில சூப் டின்களையும், ஒரு டின் திறக்கும் கருவியையும் அவளுடைய சிறிய மூட்டைக்கு அருகில் வைத்ததாகவும், அவைகள் அவளுக்குத் தான் என்று அவள் உணர்ந்தபோது அவள் முகத்தில் தோன்றிய பிரகாசமானப் புன்னகையும், அவள் ஏதோ கூறி அவர்களிடம் விடைபெற்றுச் செல்லும் போது ஓர் இளம் இளவரசியைப் போல் நடந்து சென்றதாகவும், மாடஸ்டிக்கு அந்தச் சிறுமி தான் இன்ஸ்பிரேஷன் என்பதாகவும் ஒரு பேட்டியில் Peter O’Donnell கூறியிருக்கிறார்.


புகழ்பெற்ற எழுத்தாளர் Kingsley Amis, Peter O’Donnell-க்கு எழுதிய கடிதத்தில், "நான் காய்ச்சலில் படுத்த போது உங்களுடைய மாடஸ்டி ப்ளெய்ஸ் புத்தகங்களை இரண்டாம் முறையாக வாசித்தேன். என் உடல்நிலை தேற டாக்டர்  செய்த அளவுக்கு மாடஸ்டி ப்ளெய்ஸ் புத்தகங்களும் செய்தன. அவற்றை நீங்கள் எழுதியமைக்கு உங்களுக்கு என் நன்றியும் வாழ்த்துக்களும்"[1], என்று கைப்பட எழுதியுள்ளார். 

இந்த நிச்சயமற்ற காலத்தில் சூழ்ந்திருக்கும் மனச்சோர்விலிருந்தும் இயலாமையிலிருந்தும் நம்மையும் மாடஸ்டி காப்பாற்றலாம். 

[1 “I just want to thank you and congratulate you for writing the Modesty Blaise books. They are endlessly fascinating. I read them for the second time recently when laid low by a depressing bout of flu, and I’m sure they did quite as much as the doctor did to put me on my feet again”. – Kingsley Amis



 
 






கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

PIPER (பொதிந்திருக்கும் பவளங்கள்)

படம்
 "காற்று வாங்கப் போனேன்; ஒரு கனவு வாங்கி வந்தேன்"... என்ற கதையாகக் கடற்கரையில் ஜாகிங் போன போது தோன்றிய ஒரு கதைக் கருவிற்காகக் காலையில் ஐந்து மணிக்குக் குடும்பம் மொத்தமும் காமிரா சகிதமாகக் கடற்கரை சென்று அங்கிருப்பவற்றையும், அங்கு வரும் பறவைகளையும் காட்சிகளையும் படம் பிடித்து, அந்தப் பறவைகளையும் காட்சிகளையும் தத்ரூபமாகக் கண் முன் நிறுத்த அப்போது உபயோகத்தில் இருந்த அனிமேஷன் டெக்னீக்குகள் ஈடுகொடுக்க முடியாததால் புதிய அனிமேஷன் உத்திகளைக் கண்டுபிடித்து, மூன்று வருடங்கள் உழைத்து எடுத்த ஆறு நிமிட அனிமேஷன் காவியம்(!) Pixar -ன் 'Piper'. இன்று வரை Pixar எத்தனையோ அனிமேஷன்களை உருவாக்கியிருந்தாலும், மனதிற்கு மிக நெருக்கமான அனிமேஷன், 2017 -ல் 'Best Animated Short Subject' க்கான Annie Awards வென்ற 'Piper' தான்.   கடற்கரையில் வாழும் சாண்ட்பைப்பர் இன வகையைச் சேர்ந்தக் குஞ்சு ஒன்று அம்மாவிடம் இருந்து உணவை எதிர்பார்த்துக் காத்திருக்கும் சூழலில், தன் உணவைத் தானேத் தேடிக்கொள்ளும் வித்தையைக் கற்கும் பொருட்டு தாய்ப் பறவை குஞ்சு பைப்பரைக் கடற்கரையை நோக்கி செலுத்துகிறது. வ...
Read more »

ஷெர்லக் ஹோம்ஸ் - நீல மாணிக்கம் - V

படம்
  அரை மணி நேரத்தில் மௌனமாய் பயணம் செய்து பேக்கர் தெருவிற்கு வந்தடைந்தோம். வழி நெடுகிலும் ஜேம்ஸ் ரைடர் எதுவும் பேசவில்லையென்றாலும் அவனின் வேகமான மூச்சும், பிசையும் கைகளும் அவனுள் இருந்த பதட்டத்தைப் பறைசாற்றின. "ஹா! இந்தக் குளிருக்கு இந்தக் கணப்பு நெருப்பு நிரம்பவே இதமாக இருக்கிறது. அந்த கூடைச் சேரில் உட்கார்ந்துகொள், ரைடர். உன்னைப் பார்த்தால் குளிரில் விறைத்தவன் போல் தெரிகிறது. உனக்கு வேண்டியதை சொல்லும் முன் என் காலணிகளை நான் அணிந்து கொள்கிறேன். ஹம்! இப்போது சொல், உனக்குத் தேவை அந்த வாத்துக்கள் என்ன ஆயின என்ற தகவல், அல்லவா?" "ஆமாம், சார்!" "அதிலும் குறிப்பாக வாலின் குறுக்கே கறுப்புப் பட்டை கொண்ட அந்த வெள்ளை வாத்து, என்ன ஆயிற்று என்று தெரிந்தால் போதும் உனக்கு, அப்படித்தானே?"  "சார், அந்த வாத்து எங்கே சென்றது என்று சொல்ல முடியுமா?" என்று கேட்ட ரைடரின் குரல் நடுங்கியது. "இங்கே". "இங்கேயா?" "ஆம், இங்கே தான். என்ன ஓர் அற்புதமான பறவை அது! அந்த வாத்து இறந்த பின் ஒரு முட்டை இட்டது - பளபளத்து ஜொலிக்கும் ஒரு நீல முட்டை. அந்த அதிசய ம...
Read more »

ஷெர்லக் ஹோம்ஸ் - நீல மாணிக்கம் - II

படம்
  ஷெர்லக் ஹோம்ஸ் ஒரு நெடிய விசில் சத்தத்துடன் நிமிர்ந்து அமர்ந்தார். "ஓய், பீட்டர்சன்! உன் கையில் என்ன இருக்கிறதென்று தெரியுமா? பொக்கிஷமய்யா, பொக்கிஷம்!" என்றார் ஹோம்ஸ். "வைரமா, சார்? இல்லையென்றாலும் இது ஏதோ ஒரு விலையுயர்ந்த கல். கண்ணாடியை வெண்ணெய் போல் அறுக்கிறது", என்றார் பீட்டர்சன். "ஏதோ கல் இல்லை, பீட்டர்சன்! இது தான் அந்தக் கல்". "கவுன்ட்டஸ் மோர்சர் அவர்களின் நீல மாணிக்கம்?" என்றேன் நான் அதிர்ச்சியுடன். "அதே தான். அதன் அளவும் வடிவமும் எனக்கு மிகவும் பரிச்சயமானது. தினமும் அதைப் பற்றிய விளம்பரங்களை தி டைம்ஸ் நாளிதழில் பார்த்துக் கொண்டிருக்கிறேனே! இதைப் போன்ற இன்னொரு கல் உலகில் இல்லை. இதன் மதிப்பு என்னவென்று யூகிக்கத்தான் முடியும். இதற்கு அறிவிக்கப்பட்டிருக்கும் பரிசுத் தொகையான 1000 பவுண்டுகள் இதன் மதிப்பில் இருபதில் ஒரு பங்கு கூடக் கிடையாது". "ஆயிரம் பவுண்டுகளா? அடக்கடவுளே!" என்று அதிர்ச்சி தாங்காமல் அருகில் இருந்த நாற்காலியில்  தொப்பென்று அமர்ந்து எங்கள் இருவரின் முகங்களையும் மாறி மாறிப் பார்த்தார் பீட்டர்சன். "அது ப...
Read more »