வேர்கள்-இலைகள்-தழைகள்

 அலுத்து சலித்த ஒரு நாளின் முடிவில், அனைத்து வேலைகளையும் முடித்த நேரத்தில், சிறு எரிச்சலும் பெரும் ஆயாசமும் உடலையும் மனதையும் அழுத்தும் வேளையில், கியாரண்டியாக நம்மைப் புன்னகைக்க வைக்க ஒருவர் இருக்கிறார் – GENE KELLY. 1940களும் 1950களும் ஹாலிவுட்டில் 'ம்யூஸிக்கல்' எனும் வகைத் திரைப்படங்கள் கொடி கட்டிப் பறந்த காலம். இந்தக் காலத்தில் அந்த வகைத் திரைப்படங்களின் முடிசூடா மன்னனாகத் திகழ்ந்தவர் GENE KELLY என்று அறியப்பட்ட EUGENE CURRAN KELLY. Tap dance-ஐயும் Classic Ballet-வையும் இணைத்து இவர் உருவாக்கிய நடன அமைப்புகளும் (choreography), ஆடிய நடனங்களும் அவருடைய திரைப்படங்களை வெற்றி பெறச் செய்ததது மட்டுமல்லாமல், ஆண் நடனக் கலைஞர்களின் மீது மக்கள் கொண்டிருந்த பார்வையையும் மாற்றியது. ‘நடனம் என்பது பொதுவாக ball room-களிலும் கோட்டு சூட்டுகளிலும் சீமான்களாலும் சீமாட்டிகளாலும் ஆடப்படுவது’ என்ற எண்ணம் பரவலாக அந்தக் காலகட்டத்தில் இருந்திருக்கலாமோ என்ற யூகத்தை, GENE KELLY-ன் நடனங்கள் உடைத்தெறிய முக்கிய காரணியாக இருந்திருக்கலாம் என்பது அவருடைய நடனங்களைப் பார்த்தால் புரியலாம். ஒரு சாமான்யனின் உடையில...